Муниципаль парковкалар тротуарлар буйлап «Шәһәр панорамасы» янәшәсендәге урамнарда – Мислав, Япеев, Чернышевский («Кара күл» паркы буенда) һәм Дзержинский (йортларның җөп ягы буйлап) урнашкан. Эш көннәрендә 8:00 дән 19:00 гә кадәр парковка түләүле – сәгатенә 50 сумнан 70 сумга кадәр (урамга карап). Түләү интернет, мобиль кушымта, смс-хәбәр, ә кайбер зоналарда шулай ук паркомат аша банк картасы аша кабул ителә. Парковкалар картасы, буш урыннар таблосы һәм тулы шартлар монда.